|
Main
- books.jibble.org
My Books
- IRC Hacks
Misc. Articles
- Meaning of Jibble
- M4 Su Doku
- Computer Scrapbooking
- Setting up Java
- Bootable Java
- Cookies in Java
- Dynamic Graphs
- Social Shakespeare
External Links
- Paul Mutton
- Jibble Photo Gallery
- Jibble Forums
- Google Landmarks
- Jibble Shop
- Free Books
- Intershot Ltd
|
books.jibble.org
Previous Page
| Next Page
Page 6
U VUKMUL CA CHAU
QUECHE-ACHI.
Yeha! oyeu achi, Rabinal-Achi! La ca cha na-curi tzih La chuvach cah,
chuvach uleu. Catz are tzih mana qo x-u hal tzih mi-x-bixtah La chuvach
cah, chuvach uleu, chi nu chi, chi nu vach. Catz-cu-chi-tzih in x-nu
makubeh xe pixab-chi nabey k'ahaual, ka vinakil. �Mi-x-oh qui ch'ogo,
mi-x-ol qui ziqih!� X-cha cu qui tzih k'ahaual, ka vinakil, Abauh
Tekentoh, Ahauh Teken-Tihax, Gumarmachi chi Taktazib, Taktazimah,
Cuxumaah, Cuxuma-cho, Cuxuma-Zivan, Cuxuma-Tziquin, qui bi, qui chi, qui
vach la k'ahaual, la ka vinakil: �Chi pe-ta na Alak cablahuh chi oyeu,
chi achihab, ch'ul ta-tan Alak pixabaxiquil Alak, mi-x-cha nabey ri
qui tzih chique uq La. Xacuxere rumal haaric, taamic, tuxaric,
tzarahmaquiric u pam hun chi vabal, chi uqabal chupam u nimal tzak
qoxtun, xa beleheb, xa lahuh chic ri zakil al, ri zakil qahol e qo
chupam qui tzakil qui qoxtunal.� X-cha nabey ri qui tzih chique, uq La.
Xacuxere rumal mana x-in echaben-tah varal chuxmut cah, chuxmut uleu:
rumal cut u cokobal nu qux ta x-e nu benebeh, x-e nu tzelehebeh ri zakil
al, ri zakil qahol chiri ucok que tzerucutiah-vi qui vach chupam
iximche, chirech u zukuxic u chicopil gana cab, raxa cab. Mi-x-e
nu-v'ilo, cha curi nu tzih chuvach cah, chuvach uleu: �La mana r'oquicam
x-que nu yacat ubi va zakil al, va zakil qahol, que yacah-ta chi nu
huyubal, ta chi nu tagahal?� Cha ri nu tzih: �ch'in v'oponibeh-tah
chuvach v'ahaual nu vinakil Queche huyu, Queche tagah.� X-cha ri nu
tzih: �Arecuri zcaquin r'uleual nabelic, xambelic, anboz-zaki-hal, gana
tzuculic, zaki tzuculic!� Chiricut mi-x-in quirireh-vi canoc chiri
Pan-Cakil, ch'ucheexic; rumal are x-bec nu qux cuq zakil al, zakil
qahol....
... Xacuxere rumal mi-x-tzak apon La yebal La, ziqibal La: na nu qux,
x-og nu qux chirech u taic yebal La, ziqibal La; xacutare mi-x-yopih
apana La chupam Pan-Ahachel, chilacut mi-x-tzak-vi La yebal La, ziqibal
La. Qatecu chiri mi-x-e nu yutzcopih uloc ri zakil al, ri zakil qahol
chiri chi Nim-Che chi Cabrakan Pan-Araveno, ch'ucheexic. Xa x-zcaquin
chi rah mana x-e yopihic ri zakil al, ri zakil qahol chi nu huyubal, chi
nu tagahal Queche huyu, Queche tagah. Quehecut mi-x-e tzelehva-chin
uloc ri zakil al, zakil qahol, ca xirxotileb u coc qui pam ca
tzah-tzateleb u coc qui pam, qui mah uloc u vach r'akan huyu, r'akan
tagah. Xacuxere rumal mana x-e yopitah uloc chupam qui tzakil qui
qoxtunal: xacuchiri chic x-e amagelab-vi Panamaka, ch'ucheexic....
Xavi-catz in x-nu makubeh, mi-x-ul nu v'elezah ahaual La, vinakil La
chiri Ch'Atinibal, ch'ucheexic; rumal xa c'atin ucok, chiri mi-x-in yac
ubi pa r'al nu chab, pa r'al nu pocob; mi-x-in kazah-cut chi nu huyubal,
chi nu tagahal Queche huyu, Queche tagah, rumal u cokobal nu qux, rumal
ma x-in echaben-tah chuxmut cah, chuxmut uleu. Quehecut mi-x-in
tzapih-cut chupam tzak chun-akam, mi-x-in tzahcabih rih, mi-x-in
tzahcabih vach chupam chun-akam.... Catz-cu in x-in makubeh, xavi ca cha
ri tzih La: �Mi-x-e qiz La caib, oxib u gab-amag, zivan-tinamit chiri
Balamvac, chi tintot poklah, Chi-Calcaraxah, Chi-Cunu, chi
Gozibal-Tagah-Tulul, ch'ucheexic.� Catz-cu in x-nu-makubeh rumal u
cokobal nu qux, la arecu x-ch'ul nu tohorizah ri varal chuxmut cah,
chuxmut uleu.
... Mana qo-va ch'u biih chi nu chi, chi nu vach; xa va cuc, xa va
tziquin chi nu vach, la qo c'u xuban ri chi ech La, Lal ahau?... ma-pa
xavi ca cha ri tzih La: �Ca-n'yopizah tzihoxic La chuvach v'ahaual, nu
vinakil chupam u nimal tzak, u nimal qoxtun. Mi-x-pixab-chi-ta cu can
La chi huyubal La, chi tagah La, rumal varal ca ka chay-vi vixal La,
cutamil La varal chuxmut cah, chuxmut uleu.� Ca cha ri tzih La. La mana
qo r'oquicam chi ka ban-tah utzil chaomal, atz in kib, chag in kib,
ch'in vik-ta can La, x-ch'in cauuh-ta can La chirech nu gana-puvak, nu
zaki-puvak, ruq r'al nu chab, ruq r'al nu pocob, nu yaquim vit, nu
yaquim icah, ruq xquetak v'atziak[1], ruq nu xtapiak; varal-tah chi
chakun-vi, chi patanin-vi chique al La, qahol La, varal chuxmut cah,
chuxmut uleu, xata nima r'etalil quin yutzcopih-ta bi-La chi nu huyubal,
chi nu tagahal. Ca cha curi ka tzih chuvach cah, chuvach uleu. Cah,
uleu-ta chi qohe uq La, oyeu achi, Galel-Achi Rabinal-Achi!
U VAHXAKMUL CA CHAU
RABINAL-ACHI.
Yeha! oyeu achi, Cavek-Queche-Vinak! La ca cha na curi tzih La chuvach
cah, chuvach uleu? �La mana r'oquicam x-ch'in cauuh-ta can La, ch'in
vik-ta pu can La chirech nu gana-puvak, nu zaki-puvak, ruq r'al nu chab,
ruq r'al nu pocob, ruq xquetak v'atziak, ruq nu xtapiak, varal-ta chi
chakun-vi, chi patanin-vi chuxmut cah, chuxmut uleu, ca cha ri tzih-vi
La....� La h'in ma x-qu'i cha-pa curi chuvach v'ahaual, chuvach nu
vinakil taze-ba hun oyeu, taze-na hun achi mi-x-ka chugabeh kib ruq,
chirih u nimal tzak, u nimal qoxtun, chi oxlahu-vinak gih, chi
oxlahu-vinak agab, qo ka varam, ma-habi ka yacalem ruq; quehecut mi-x-nu
vik canoc chirech u gana-puvak, chirech u zaki-puvak, ruq u yaquim vit,
u yaquim icah, ruq xquetak r'atziak, ruq u xtapiak! La ma x-qu'i cha va
chuvach v'ahaual, chuvach nu vinakil, quehecut mi-x-in yutzcopih ubi chu
huyubal, chu tagahal! la-ma x-qu'i cha va chuvach v'ahaual, chuvach nu
vinakil! Xavi in tzacat, in molah rumal v'ahaual, nu vinakil; qolic nu
gana-puvak, nu zaki-puvak; xavi qolic r'al nu chab, r'al nu pocob ruq nu
yaquim vit, nu yaquim icah; in tzacat in molah rumal v'ahaual, nu
vinakil, chupam u nimal tzak, chupam u nimal qoxtun. Quehecut qu'in
yopizah tzihol La chupam u nimal tzak qoxtun, chuvach v'ahaual, nu
vinakil. Ve cu x-chi cha v'ahaual, nu vinakil yutzcopih ubi La chu
huyubal, chu tagahal, uvech chi cha v'ahaual, xavi x-ch'in yutzcopih bi
La. Xavi ve x-chi cha v'ahaual, nu vinakil: �Chi coh-ta na ulo La chi nu
chi, chi nu vach, can v'il na u chi u vach hanicpa chi oyeu, chi achi.�
Uve x-chi cha v'ahaual nu vinakil, quehecut ca-nu yopizah La. Ca cha
curi nu tzih chuvach cah, chuvach uleu. Cah, uleu chi qohe uq La, oyeu
achi, Cavek-Queche-Vinak!
Previous Page
| Next Page
|
|